«Ընդդեմ կանանց նկատմամբ բռնության» կոալիցիան հրավիրում է հետազոտողների՝ իրականացնելու ուսումնասիրություն «Գենդերային բռնության լուսաբանումը հայկական մեդիայում» թեմայով և մշակելու գենդերային բռնության զգայուն լուսաբանման ուղեցույց՝ լրագրողների համար։

Ընդդեմ կանանց նկատմամբ բռնության կոալիցիան հայտարարում է հետազոտողի մրցույթ
Հետազոտության նպատակը Իրականացնել ուսումնասիրություն «Գենդերային բռնության լուսաբանումը հայկական մեդիայում» թեմայով և մշակել գենդերային բռնության զգայուն լուսաբանման ուղեցույց լրագրողների համար
Գործատու «Ընդդեմ կանանց նկատմամբ բռնության» կոալիցիա
Հետազոտության տևողություն հունիս – սեպտեմբեր,  2021թ․ 
Դիմումների վերջնաժամկետ մայիսի 17, 2021թ․

Հետազոտության նպատակների ներկայացում

«Ընդդեմ կանանց նկատմամբ բռնության» կոալիցիան նախատեսում է իրականացնել ուսումնասիրություն «Գենդերային բռնության լուսաբանումը հայկական մեդիայում» թեմայով և մշակել գենդերային բռնության զգայուն լուսաբանման ուղեցույց լրագրողների համար։

Հետազոտության շրջանակներում անհրաժեշտ է՝ 

  • Մշտադիտարկել հայկական մեդիա դաշտը՝ պարզելու համար, թե ինչպես է գենդերային բռնությունը լուսաբանվում հայաստանյան մեդիա համատեքստում
  • Կազմել շահագրգիռ կողմերին ուղղված առաջարկություններ մեդիա դաշտի գենդերազգայունության բարելավման նպատակով 
  • Մշակել լրագրողների համար նախատեսված ուղեցույց՝ գենդերային բռնության զգայուն լուսաբանման թեմայով։

Պահանջվող որակավորումներ և հմտություններ 

  • Լրագրողի, մարդու իրավունքների, գենդերային ուսումնասիրությունների կամ հարակից գիտությունների մագիստրոսի աստիճան
  • Հետազոտություններ իրականացնելու և վերլուծելու փորձ
  • Ուղեցույցներ մշակելու փորձ
  • Նվազագույնը երեք տարվա աշխատանքային փորձ մարդու իրավունքների ոլորտում
  • Մշտադիտարկում իրականացնելու և տվյալներ հավաքագրելու հմտություններ
  • Վերլուծական և հետազոտական կարողություններ ու հմտություններ
  • Հայերենի գերազանց իմացություն
  • Տարբեր կառույցների հետ հաղորդակցման գերազանց հմտություններ
  • Ինչպես անհատական, այնպես էլ թիմային աշխատելու հմտություններ
  • Արդյունավետ և ճկուն աշխատելու պատրաստակամություն և կարողություն
  • Հայաստանում կանանց իրավունքների ոլորտում առկա հիմնահարցերի իմացություն:

 Դիմելու ընթացակարգ

Ուղարկեք Ձեր CV-ն, կատարված հետազոտությունների կամ հոդվածների օրինակները և երկու կոնտակտային անձանց տվյալներ info@coalitionagainstviolence.org հասցեին՝ նամակի վերնագրում նշելով «Դիմում հետազոտողի թափուր հաստիքի համար»:  

Դիմումների վերջնաժամկետը մայիսի 17-ն է: Ուշացած դիմումները չեն քննարկվի: Հաշվի առնելով դիմումների քանակը՝ կազմակերպությունը կապ կհաստատի միայն հարցազրույցի փուլ անցած դիմորդների հետ:

Ծրագիրն իրականացվում է «Կվիննա տիլլ Կվիննա» շվեդական ֆոնդի ֆինանսական աջակցությամբ։